- Genetikk, evolusjon og bærekraftig planteproduksjon
Eg er bioinformatikar og arbeider med komparativ genomikk i Grasevolusjonsgruppa, der biologi, statistikk og programmering møtest.
Kvifor er nokre planteartar betre tilpassa visse klimatiske tilhøve enn andre, sjølv om dei deler det meste av arvematerialet sitt?
Svaret ligg ofte ikkje i sjølve gena, men i korleis dei vert regulerte. Kva tid, kvar og kor sterkt kvart gen vert skrudd på, forklårar mykje av skilnaden mellom ulike planteartar. For å verte klokare på dette, samanliknar eg genuttrykk mellom artar ved hjelp av storskala DNA- og RNA-sekvenseringsdata og kraftige datamaskinar.
For tida er eg knytt til prosjektet Live or let die?, der eg forskar på kva som skil tempererte gras (Pooideae) med eitt- og fleirårig livssyklus. Eg er òg oppteken av statistiske metodar og teori, særleg funksjonell dataanalyse (FDA) av både genuttrykk og fenotypedata.
Fagfelt
Publikasjoner
Undervisning
Forskning og prosjekter
Mer om meg og CV