Regjeringa vil framleis hjelpe studentane med straumrekninga. No kan studentar søke Lånekassen om straumstipend på 1500 kroner.
Lånekassen sender e-post til studentane når det er opna for å søke om straumstipendet, og studentane kan søke så fort dei har fått e-posten.
Om straumstipendet
- For å ha rett på stipendet på 1500 kroner må studentane vere over 18 år, vere bortebuarar, få støtte frå Lånekassen hausten 2022 og betale straumutgifter som ikkje er inkluderte i husleiga haustsemesteret 2022. Også nokre vaksne elevar på vidaregåande skule kan ha rett på straumstipendet, men berre dei som får lån frå Lånekassen.
- Fristen for å søke er 15. januar 2023.
- Straumstipendet til studentar kjem i tillegg til den ordinære straumstøtta som alle hushald med straumutgifter får.
- Regjeringa har sett av 210 millionar kroner til dette straumstipendet.