Ny forsking frå Muhammad Tabish Parray viser at elbilar som står lenge i ro, kan gjere meir enn å lade: Dei kan bidra til å jamne ut straumforbruk, redusere kostnader og styrkje fleksibiliteten i energisystemet. Ved store anlegg som flyplassar kan ein liten del toveisladepunkt vere nok til å hente ut mykje av gevinsten.
Ei doktoravhandling frå Muhammad Tabish Parray viser at parkerte elbilar kan nyttast som mobile batteri ved store anlegg som flyplassar. Når bilane står lenge i ro, kan dei bidra til å flytte forbruk og lette trykket på straumnettet, noko som kan redusere kostnader og styrkje fleksibiliteten i energisystemet.
Studien samanliknar elbilparkar med stasjonære batteri og peikar på at det kan vere meir føremålstenleg å satse på smart lading og styringsprogramvare enn på eigne batteripakkar. I hans analyser treng berre rundt 20 prosent av ladepunkta toveislading for å hente ut det meste av gevinsten, noko som gjer at anlegg kan unngå unødvendige investeringar.
– Potensialet er stort. Når vi styrer ladepunkta smart, kan vi redusere effekttoppane utan store nye investeringar.
Avhandlinga vurderer òg framtidige behov, som den ekstra belastninga elektriske kortbanefly kan skape. Her kan elbilparkar hjelpe med å jamne ut effektopptrinn og redusere behovet for dyre nettforsterkingar. Parray meiner at metodane òg kan vere nyttige for andre stader med langtidsparkering, som universitet og sjukehus.
– Bilar står parkerte mesteparten av tida. Det gjer dei til ein uutnytta ressurs som kan styrkje straumnettet utan å byggje nye kraftverk, seier Parray.
– Det er mogleg å auke gevinsten frå toveisladarar dersom eigarar av store parkeringsanlegg deltek i eksterne fleksibilitetsmarknader.
Muhammad Tabish Parray forsvarar si ph.d.-avhandling "Strategier for optimal dimensjonering og drift av batterilagringssystemer og infrastruktur for elektriske kjøretøy for store strømforbrukere " tirsdag den 17. mars, 2026.
Prøveforelesning og disputas er opne for alle, les meir her.