"I fjor sommar reiste eg og kjærasten min på ferie til Sri Lanka, og elefantsafari skulle vera eit av høgdepunkta. Det blei ein ferie eg kom til å angra på", skriv Kathrin Jathe i eit nytt innlegg på BIOTOUR-bloggen.
"Brått var landskapet prega av selfie-stenger, bråket frå bilmotorane og støvet som virvla opp bak dei grove dekka. Dette var først og framst ei samling av safaribilar – ikkje elefantar. Det var verkeleg urovekkjande og ubehageleg å vera vitne til at sjåførane konkurrerte om å koma nærast dei ville dyra".
Dette skriv Jathe på BIOTOUR-bloggen.
Ho tek eit oppgjer med uansvarleg viltturisme og trekkjer parallellar frå Sri Lanka til Noreg - mellom anna fugleturismen i nord.
Ifølgje forskaren er det både turisten og reiselivet sitt ansvar at vår begeistring for å sjå ville dyr ikkje går på bekostninga av dyrelivet og naturen dei lever i.
Jathe er doktorgradsstipendiat innanfor naturbasert reiseliv ved Noregs miljø- og biovitskaplege universitet (NMBU) og jobbar med marknadsanalyse i BIOTOUR-prosjektet.
Les heile innlegget her: Viltsafari på ville vegar – når turisten blir tankelaus